සිස්ටොං අවුල්
මල්ලිගේ හැදුනුම්පත නැතිවෙලා හදාගන්න ඕනෑ කීවාම මාත් ගියා කියහන්කෝ. ග්රාම නිළධාරී තුමිය හමුවෙලා උපදෙස් අරගෙන මුලික වැඩටිකත් කොරගෙන ප්රාදේශීය ලේකම් කාර්යාලයට ගියා උප්පැන්න පිටපතක් ගන්න. ගියහම කියාපි අදනම් දෙන්න වෙන්නේ නෑ සිස්ටොං එක අවුල් වෙලා තියෙන්නේ කියල අද බදාාදා නේ සිකුරාදා දෙන්නම් කියලා, අපි ඇහුවා අදම ගන්න ක්රමයක් නැද්ද කියලා එතකොට කිව්වා ඉපදුනු ප්රාදේශීය ලේකම් කොට්ඨාෂයේ කාර්යාලයට යන්න එතනින් ගන්න පුලුවන් කියල.
ඕං ඉතිං ඊගාවට එතනටත් ගියා වෙලාව හවස 1.30 විතර ඒ වෙනකොට පල්ලෙහා කවුළුවෙන් අද දවසට බාර අරගෙන ඉවරයි කියලා උඩ තට්ටුවට ගිහින් බලන්න කිව්වා එතනටත් ගියා, පෝරමය ගත්තා පිරෙව්වා සල්ලිත් ගෙව්වා උප්පැන්න දෙන්න සිකුරාදාට එන්න කිව්වා. අපි ඇහුවා අද ගන්න බැරිද කියලා විදියක් නෑ සිස්ටොං එක අවුල් කිව්වා. එතකොට පොතෙන් ගන්න බැරිද ඇහුවා එතකොට කිව්වා පොටෝකොපි මැෂිම කැඩිලා කියල. ඉතිං මොනව කොරන්නද සිස්ටොං අවුල ගැන හිත හිත ගෙදර ආවා.
ඔන්න ඉතිං හැන්දෑවේ ප්රවෘත්තියක් ගියා ආණ්ඩුවේ ඉස්පිරිතාලවල අත්යාවශ්ය බෙහෙත් නෑ ශල්යකර්ම කරන්නත් විදියක් නැතෙයි කියලා. ඉතින් මරණාසන්න ලෙඩ්ඩු කොච්චර ඇත්ද, ඒත් එක්කම මට මතක් උනා මීට ටික දොහොකට කලින් ගියපු ප්රවෘත්තියක් ඒ කෝප් කමිටුවේදී හෙලිඋන කාරණාව ඒකෙන් කියඋනේ බෙහෙත් ගැන සිස්ටොං එකක් හදන්නයි, පවත්වාගෙන යන්නයි කෝටි ගානක් වියදම් කරල කියලා. එක අතකට ඉතිං ලෙඩ්ඩුන්ට බෙහෙත් නැතුව මැරුණත් මොකෝ, සිස්ටොං එක හරි තියෙන එක කොච්චර ලොකු දෙයක්ද කියල මට හිතුනා.
දැන් ඉතින් හැමෝම ඉල්ලන්නේ මේ සිස්ටොං අවුල් කියා සිස්ටොං වෙනසක්නේ, මෙච්චර කල් කොරාපු සිස්ටොං ඉගුරු දීලා මිරිස් ගත්තා වාගෙයි.
ඒක හින්දා ටක්කෙටම හරියන සිස්ටොං එකක් හොයා ගන්න එක කාගෙ කාගෙත් වගකීම කියලත් මට හිතුනා.
එහෙනං ආයුබෝවන්ඩ ගොහිං එන්නං.
ගමරාල
ගමරාලගේ අඬහැරය දෙවන දිගහැරුම.
2022-08-25 බ්රහස්පතින්දා.
